Бизнис

МА Гаминг ДООЕЛ Скопје: Вработуваме илјадници луѓе

Економија и бизнис | печатено издание | мај 2023г.

• Сподели:

МА Гаминг ДООЕЛ Скопје е компанија која организира игри на среќа во автомат клубовите Адмирал, кои исто така се дел од Групацијата Новоматик и Апекс Македонија. Вработуваме илјадници луѓе, како општествено одговорни компании донираме во јавното здравство, спортот, културата и постојано учествуваме или сме покровители на хуманитарни акции. Целата економска дејност – игри на среќа − годишно приходува 280 милиони евра во буџетот, што во моментов е зафаќање од 6 проценти во приходната страна на централниот буџет предвиден за 2023 година. Иако постоечкото законско решение е најстрого во регионот, ние генерално не сме против законски измени. Се противиме на противуставни, политички мотивирани и популистички законски измени кои ќе предизвикаат хаос со игрите на среќа. Истовремено сметаме дека е вообичаена демократска пракса, како странски инвеститори, претставници на капитал кој доаѓа од земја членка на ЕУ, да бидеме ислушани и нашата експертиза и нашето знаење да бидат земени предвид со цел изработка на одржливо законско решение во согласност со највисоките светски стандарди за организирање игри на среќа. Предлозите за затворање на индустријата за игри на среќа несомнено значат дека илјадници луѓе ќе ги загубат своите работни места и ќе се отворат играчници во подруми, на црно, без државна контрола, како децении наназад. Секоја држава која води сметка за својот меѓународен имиџ кој има исклучително влијание врз стратешко-деловните одлуки на сериозните странски инвеститори ќе стори сè за да овозможи економска извесност и правна сигурност за веќе реализираните и планирани инвестиции.