Бизнис

Златна копачка: Работиме чесно и според сите закони

Економија и бизнис | печатено издание | мај 2023г.

• Сподели:

Како ја оценувате тековната состојба во вашиот сектор? Каде е во тие рамки вашата компанија и што носи иднината?

Ситуацијата во која во моментов се наоѓа нашата индустрија е повеќе од загрижувачка.
Новите законски измени кои се предложени се неодржливи и погрешни од повеќе агли. Ние генерално не сме против измени на Законот за игри на среќа, туку сме против неиздржани, нелогични измени кои ќе ни нанесат големи штети.
Најавените измени предвидуваат давачките и надоместоците да се зголемуваат драстично што директно ќе влијае на одржливоста на нашиот бизнис. Едноставно нашата компанија ќе нема основ за егзистенција.
Во услови на економска криза како последица на застрашувачките глобални предизвици, сметаме дека е неодговорно да се затвори еден цел економски сектор и илјадници луѓе да останат без работа.
Сакаме да истакнеме дека ние сме компанија која целосно го почитува моменталниот закон кој го регулира присуството на малолетници на уплатните места, во кој е строго пропишана забрана за пристап и учество на малолетниците во игрите на среќа и немаме интерес и не сакаме малолетници во нашите објекти. Работиме чесно и според сите закони.
Бараме ново законско решение кое ќе креира позитивен ефект на нашата работа и заедница во која дејствуваме, а не решение кое ќе отвори нова криза.