Вести
Зијин ја реафирмираше амбицијата да инвестира 1,26 милијарди долари во српскиот рударски комплекс Бор
блиц свет
ЗИЈИН БОР КОПЕР, српското претставништво на големата кинеска рударска група ЗИЈИН, ја реафимираше намерата да ја заокружи инвестицијата во рудникот БОР на 1,26 милијарди долари. Инвестициите се наменети за ремонт и замена на машините и капацитетите на рудникот, како и подобрување на безбедноста и заштитата на животната средина. „За една и пол година откако го презедовме РТБ Бор, инвестиравме околу 600 милиони долари. Ние веруваме во иднината на компанијата во Србија и немаме намера да ги намалиме инвестициите“, изјави Симон Линг, директор на компанијата. Во планот на компанијата е имплементација на т.н. концепт на „зелено рударство“ (green mines) за чија намена досега се засадени преку 50 илјади садници на територија од близу 20 илјади хектари во околината на рудникот. Планот предвидува инвестиции и во филтри за намалување на загадувањето, опрема за третман на отпадните води, систем за заштита од протекување на гас итн. Пред две години ЗИЈИН внесе 350 милиони долари во РТБ Бор, стекнувајќи со тоа мнозинска сопственост, по што комплексот беше преименуван во „Зијин Бор Бакар“.