Неколку земји од Европската Унија ќе пласираат на пазарот околу 42,6 милиони барели нафта од своите стратешки резерви, од кои половина ќе бидат дизел, изјави европскиот комесар за енергетика Дан Јоргенсен.

Оваа одлука е дел од обврската што ја презедоа земјите во рамките на Групата седум (Г7), со цел ублажување на порастот на цените на горивата на бензинските пумпи.

„Земјите-членки на ЕУ ја потврдија својата обврска брзо да стават на располагање 42,6 милиони барели од стратешките резерви во текот на наредните месеци, а околу половина од тие количини ќе бидат дизел“, изјави Јоргенсен по состанокот на министрите за енергија на ЕУ во Луксембург.

Нафтата ќе биде повлечена од стратешките резерви на земјите-членки и пласирана на пазарот во текот на наредните месеци, во согласност со обврската преземена во рамките на Г7.

Групата седум (Г7), која ја сочинуваат индустриски најразвиените земји во светот, на почетокот на месецот се согласи да ослободи 100 милиони барели нафта и нафтени деривати од стратешките резерви во период од четири месеци, со цел да влијае врз цените на горивата на бензинските пумпи, пренесува Бизнис.ба.

Фото Економија и бизнис