Европскиот парламент одобри царинска реформа која предвидува нова такса за обработка на пакети од трети земји, но и значително поголема одговорност за интернет платформите.

Новата такса не е иста како царинската давачка од три евра што се применува за пратки со мала вредност од јули.

Станува збор за посебна административна такса за обработка на пакети, а нејзиниот конечен износ сè уште не е утврден од Европската комисија.

За време на преговорите, беше споменат износот од две евра, пренесува Бизнис.ба.

Земјите-членки треба да почнат да ја наплаќаат новата такса најдоцна до 1 ноември 2026 година.

Новата мерка треба да ги покрие растечките трошоци на царинските служби, кои обработуваат сè поголем број мали пратки нарачани преку онлајн платформи.

Според податоците од Европската комисија, во 2025 година, во ЕУ пристигнале 5,9 милијарди предмети со мала вредност што биле испратени директно до потрошувачите, а околу 90 проценти од тие производи потекнуваат од Кина.

Фото Економија и бизнис