Бизнис
Ифо: Деловното расположение во автомобилската индустрија повторно се влоши
04.12.2025
По силниот скок во октомври, индексот на деловното расположение во автомобилската индустрија значително падна, од минус 13,4 на минус 20 поени, соопштиja од Ифо влијателниот институт од Минхен.
Индексот има две компоненти: проценка на моменталната состојба и очекувања за следните неколку месеци. Плус индексот укажува на позитивно расположение, а минусот укажува на песимизам.
Ифо го припишува новиот пад на индексот на песимистичкиот поглед на наредниот период, бидејќи компаниите од секторот ја оценуваат моменталната состојба како подобра од претходниот месец.
Поточно, индексот на очекувањата масовно се намали од минус 4,6 во октомври на минус 23 поени.
„Флуктуацијата на индексот на деловната клима го одразува високиот и растечки степен на економска и политичка неизвесност во Германија и во светот“, изјави Анита Волфл, експерт на Ифо за автомобилскиот сектор.
Индексот на автомобилската индустрија на институтот Ифо помина добар дел од првата половина од годината под минус 30 поени, односно во уште понегативна зона од сегашната. Во јули и август се искачи на минус 16,1 поен, а оттогаш се движи нагоре и надолу од месец во месец.
Од јануари до октомври годинава, во Германија се регистрирани 2,5 проценти помалку нови автомобили отколку во истиот период минатата година, пренесува Сеебиз.
Фото Економија и бизнис