Економија
Канадскиот премиер му се извинува на Трамп за рекламата за Реган
01.11.2025
Канадскиот премиер Марк Карни му се извини на американскиот претседател Доналд Трамп за политичката реклама што го натера американскиот лидер да ги зголеми царините и да ги прекине трговските разговори со земјата.
Марк Карни изјави дека му се извинил на американскиот претседател Доналд Трамп за политичката реклама што предизвика реакција од американскиот лидер, објави Ројтерс.
Рекламата, нарачана од премиерот на Онтарио, Даг Форд, користи говор на поранешниот американски претседател Роналд Реган во кој тој предупредува дека царините би можеле да доведат до трговски војни и економска катастрофа.
Како резултат на рекламата, Трамп објави дека ги зголемува царините за канадските стоки, додека Вашингтон ги прекина трговските разговори со Канада.
Фото Економија и бизнис