Финансии / Банкарство
БРОЈОТ НА НЕВРАБОТЕНИ ВО СЛОВЕНИЈА ЗА ПРВПАТ ПОД СТО ИЛЈАДИ
Блиц свет
Според податоците на Заводот за статистика на Словенија, невработеноста во јуни паднала за 0,3 процентни поени на месечно ниво и сега се наоѓа на 10,8 проценти. На годишно ниво, тоа претставува пад од 1,2 процентни поени, а за првпат по 2010 година номиналниот број на невработени лица е паднат под психолошката граница од сто илјади. Ова се случува додека бројот на активното работоспособно население бележи номинален раст од 2 400 нови припадници на работната сила од вкупно 820 000, што претставува раст од 0,3 % на месечно ниво. Најголем раст на вработувањата е забележан кај преработувачкиот сектор, додека најголемо намалување во секторот образование. Просечната годишна стапка на невработеност во Словенија оваа година изнесува 11,8 %, што исто така претставува најниска стапка по 2010 година кога е забележан пад на само 10,6 %. Највисока стапка на невработеност Словенија забележа во 2014 година кога таа надмина 14 %, а најниска во 2009 година од само 6,3 %.