Шефот на Централната команда на американската војска (CENTCOM), адмирал Бред Купер, денес изјави дека американските сили дозволиле повеќе од милијарда барели сурова нафта да излезе од Персискиот Залив преку Ормускaта Теснина во последните месеци.

„Силите на CENTCOM го поддржаа извозот на повеќе од една милијарда барели сурова нафта од Заливот. Тоа се една милијарда барели сурова нафта преку Ормуската Теснина во последните неколку месеци. Стигнавме до оваа значајна пресвртница додека им помагавме на над 2.000 комерцијални бродови да поминат низ теснецот со обезбедување координирана заштита“, рече Купер во видео изјава на платформата X.

Тој рече дека „главните транзитни патишта во теснецот се исчистени од мини“ што ги поставија иранските сили и дека „илјадници бродови поминале низ теснецот“.

„Над милијарда барели сурова нафта се испратени до партнерите од Заливот, а Иран не извезе ниту едно барел благодарение на нашата строга блокада“, рече Купер.

Тој додаде дека количината на сурова нафта, товар и течен природен гас транспортирана преку Ормуската Теснина „во последните две недели е поголема од кога било во последните шест месеци“, пренесува Еуроњуз Србија.

Фото Економија и бизнис