Министерот за дигитална трансформација Стефан Андоновски ги повика граѓаните да аплицират за билети за промотивниот настан на новата мобилната апликација „м.Услуги“. 

-Побрзајте и обезбедете го Вашето место. Аплицирајте на https://events.mdt.gov.mk/., објави Андоновски на својата Фејсбук страница.

Министерството за дигитална трансформација потсетува дека се преостанати уште само 100 билети за промотивниот настан на мобилната апликација „м.Услуги“, и додава дека бројот на местата е ограничен.

Официјалната промоцијата на новата мобилн апликација „м.Услуги“ ќе се одржи на 28 октомври, в четврток, во Македонската филхармонија. 

Преку м.Услуги, граѓаните на едно место ќе можат да пристапуваат до личните документи во дигитална форма како и до електронските услуги на администрацијата. Целта е државните услуги да станат подостапни и поедноставни за користење, директно преку мобилен телефон.

Промоцијата на оваа апликација министерот ја најави минатиот месец, посочувајќи дека во неа ќе бидат достапни електронски верзии на личната карта и возачката дозвола, како и две електронски услуги за граѓаните. Андоновски тогаш посочи дека во изминатиот период интензивно се работело на прашањата поврзани со кибер-безбедноста, заштитата и начинот на чување на личните податоци, како и нивната размена со МВР, кое е сопственик на податоците. 

Фото Економија и бизнис