Денес во Кавадарци, М6 Едукативниот Центар официјално ги отвори новите простории со што направи уште еден чекор напред кон создавање простор за развој на вештини, иновации и претприемништво во Вардарскиот и Пелагонискиот регион.

Ова не е само инвестиција во простор, туку е одговор и заложба за креирање на нови можности и соработка помеѓу сите чинители во заедницата.

– Продолжуваме со нашата мисија да градиме средина што ги поттикнува личниот и професионалниот развој и придонесува кон позитивна трансформација. Благодарни сме на сите партнери, компании и соработници кои се дел од оваа приказна и веруваат во нашата визија, велат од М6 Едукативниот Центар.

Оваа активност е ко-финансирана од М6 Едукативниот центар и Владата на Швајцарија преку швајцарскиот проект „Образование за вработување“ – Е4Е@мк спроведуван од Хелветас.