Украина соопшти дека нејзините сили претходната ноќ погодиле две рафинерии за нафта, кои се меѓу најголемите во Русија, во најновите напади од долг дострел во кои Киев го продлабочува економскиот, воениот и дипломатскиот притисок врз Москва.

Украинските напади претходната ноќ предизвикаа пожари во рафинеријата Лукоил во Пермскиот регион, на повеќе од 1.500 километри од границата со Украина, и во рафинеријата во Рјазан, на околу 400 километри од границата, објавија Украинската служба за безбедност и Генералштабот.

Киев тврди дека двете руски рафинерии заедно имаат годишен производствен капацитет од околу 220 милиони барели нафта и дека тие придонесуваат многу за воените напори на Русија и за владините приходи во Москва.

Нападите беа извршени неколку часа откако украинскиот претседател Володимир Зеленски разговараше во Белата куќа со американскиот претседател Доналд Трамп, од кого побара поголема американска помош за борбата на Украина против нејзиниот многу поголем сосед.

Цените на нафтата пораснаа за 7 проценти откако продолжија воздушните напади на Блискиот Исток, што предизвика загриженост за намалување на снабдувањето, додека податоците на американската влада покажаа дека домашните залихи на сурова нафта паднаа на повеќегодишно ниско ниво.

Фјучерсите за сурова нафта од типот „брент“ пораснаа за 6,33 долари, или 7,53 проценти, на 90,42 долари за барел, додека американската сурова нафта порасна за 5,26 долари, или 6,64 проценти, и се тргуваше на 84,52 долари за барел, пренесува Н1.

Фото Економија и бизнис