Канцеларијата на државниот обвинител примила околу 1.500 пријави за можни кривични дела поврзани со неуспешната полска берза за криптовалути, потврдија официјални лица во текот на истрагата за сомнителна измама на некогаш популарната платформа.
Се истражуваат сомневања за измама и перење пари, а проценетата штета достигнува најмалку 350 милиони злоти, или 82 милиони евра.
Во меѓувреме, директорот на компанијата, ја напушти Полска и е во Израел, каде што тврди дека е невин и дека компанијата продолжува да работи стабилно.
Заменик-министерот за правда Аркадиуш Мирча ги објави најновите податоци во среда, додавајќи дека се преземаат чекори за обештетување на жртвите.
Случајот стана јавен откако клиентите почнаа да пријавуваат проблеми со повлекување средства во последните месеци поради сомневања за проблеми со ликвидноста на компанијата. Компанијата е обвинета и за неплаќање бонуси што им се должат на полските олимпијци.
Целиот случај дополнително ја нагласи потребата од закон за регулирање на крипто пазарите во Полска, што стана предмет на политички спор.
Конзервативниот претседател Карол Навроцки во среда ја поднесе својата верзија на законот за регулирање на криптовалутите до парламентот, откако претходно двапати стави вето на предлогот на центристичката влада на премиерот Доналд Туск. Минатиот месец, владата не успеа да го поништи второто вето на Навроцки.
Владата на Туск се обидува да ги хармонизира националните прописи со регулативата на Европската Унија што стапи на сила во 2024 година и го регулира издавањето и чувањето крипто средства. Полска е единствената земја во ЕУ што сè уште не се придржувала до таа регулатива.
Канцеларијата на претседателот ги наведе прекумерната регулатива, недостатокот на транспарентност и регулаторното оптоварување врз малите бизниси како причини за спротивставување на предложениот закон, пренесува Индекс.
Фото Економија и бизнис
