Во Србија во третиот квартал од оваа година, вработени се вкупно 2.346.398 лица. Според извештајот за регистрирани вработени лица на Републичкиот завод за вработување, 1.873.384 лица се вработени во правни лица, 431.177 се претприемачи и нивни вработени, додека 41.837 се регистрирани како индивидуални земјоделци.

Во споредба со истиот период во 2025 година, вкупниот број на вработени е помал за 19.347 лица или за 0,8 проценти.

Намалувањето е целосно поврзано со помалиот број на вработени кај правните лица, каде што е помал за 19.818 или еден процент.

Во споредба со претходниот квартал, бројот на вработени лица е намален за 9.542, односно за 0,4 проценти.

Најголемо намалување е забележано кај компаниите, односно правните лица, за 11.381 или за 0,6 проценти.

Ова е веќе петти квартал во кој бројот на регистрирани вработени е намален. Од вториот квартал од 2025 година, има 23.705 вработени помалку.

Фото Економија и бизнис