Lifestyle
Музејот Прадо во Мадрид не треба да биде посетуван како „метро во шпиц“, директорот на оваа институција не сака „повеќе посетители“
16.01.2026
Музејот Прадо во Мадрид нема потреба од „повеќе посетители“ откако минатата година прими рекордни 3,5 милиони посетители, изјави Мигел Фаломир, директорот на Музејот Прадо во Мадрид
додавајќи дека музејот не треба да биде како „метро во шпиц“.
Во 2025 година, Прадо, го посетиле 3.513.402 луѓе, што е зголемување од повеќе од 56.000 во однос на претходната година.Бројот на посетители на музеите се зголемил за повеќе од 816.000 во последната деценија.
Директорот на музејот објави дека се изготвуваат планови за да се осигури дека Прадо нема да стане преоптоварен како Лувр во Париз.
„Музејот Прадо нема потреба од повеќе посетители“, рече Фаломир на прес-конференција. Според него, музејот е задоволен од 3,5 милиони посетители.
„Успехот на музејот може да го преоптовари, како што е случајот со Лувр. Важно е музејот да не пропадне“, рече Фаломир.
Тој додаде дека 65 проценти од посетителите минатата година биле од странство, истакнувајќи дека би сакал да види „повеќе Шпанци како го користат едно од најголемите културни богатства на земјата“.
„Не можете да судите за музеј врз основа на бројот на посетители. Количината не е толку важна колку квалитетот. Треба да има разновиден и инклузивен опсег на посетители“, рече директорот на музејот во Мадрид.
Меѓу плановите за подобрување на квалитетот на посетите се оптимизирање на влезот во музејот, преглед на големината на групите посетители и строго спроведување на забраната за фотографирање во галериите, пренесува Еуроњуз.
Фото Економија и бизнис