Економија
РЕАЛЕН РАСТ НА ОКТОМВРИСКАТА НЕТО-ПЛАТА ВО МАКЕДОНИЈА
24.12.2025
Во октомври 2025 година просечната месечна исплатена нето-плата во Македонија изнесува 45 943 денари, објави Државниот завод за статистика.
Во октомври 2025 година, во однос на октомври 2024 година, просечната месечна исплатена нето-плата по вработен е повисока за 9,0 %.
Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Дејности на здравствена и социјална заштита за 13,3 %, Административни и помошни услужни дејности за 13,2 % и Дејности во врска со недвижен имот за 10,9 %.
Зголемување на просечната месечна исплатена нето-плата по вработен, во однос на претходниот месец, е забележано во секторите: Дејности во врска со недвижен имот за 9,5 %, Информации и комуникации за 4,2 % и Административни и помошни услужни дејности за 3,6 %.
Реалната нето-плата во октомври годинава во споредба со октомври 2024 година е повисока за 4,4 отсто.
Главни поенти
- Нето-платата во октомври 2025 година изнесува 45 943 денари
- Во октомври 2025 година во однос на октомври 2024 година е повисока за 9,0 %
Фото Економија и бизнис