Бизнис
ЕВРОПСКИТЕ ЗЕМЈОДЕЛЦИ ИЗЛЕГУВААТ НА МАСОВЕН ПРОТЕСТ ВО БРИСЕЛ
26.11.2025
Oколу 10.000 земјоделци од цела Европска Унија се очекуваат да пристигнат во Брисел на 18 декември, кои ќе протестираат против, како што тврдат, сè понереалниот и непријателски пристап на Европската комисија кон земјоделството.
Протестот е организиран од Копа - Когека, најголемото здружение на европски земјоделци и земјоделски задруги.
- Доколку Комисијата продолжи по овој пат, тоа би била историска грешка, не само за земјоделството, туку и за европскиот проект како целина, вели ., а нивниот директор за комуникации Жан-Батист Буше.
Од почетокот на 2024 година, земјоделците од неколку земји-членки го предупредија Брисел за низа проблеми: реформата на Заедничката земјоделска политика (ЗЗП) и нејзиниот недоволен буџет, растечката бирократија што го ограничува производството, како и обидите за склучување трговски договори, како оној со Меркосур, кои ги сметаат за неприфатливи и штетни за европските производители.
И покрај тие предупредувања, тврди Буше, сè уште нема вистински напредок на крајот на 2025 година.
Европските земјоделци повеќе не можат да молчат додека Комисијата, и покрај јавните изјави за важноста на земјоделството, предлага мерки што практично значат напуштање на заедничката европска земјоделска амбиција.
- Јазот помеѓу она што е кажано и она што е направено стана неподнослив. Земјоделците се напнати. Ова е пресвртница, вели Буше.
Протестот ќе се одржи само неколку часа пред претседателката на Европската комисија, Урсула фон дер Лајен, да отпатува во Бразил за да се обиде да го финализира договорот ЕУ-Меркосур. Во исто време, лидерите на земјите-членки се состануваат на клучна седница на Европскиот совет каде што ќе се дискутира за идниот буџет на ЕУ.
Досега, околу 40 земјоделски организации од целата ЕУ се регистрирале за протестот, а се очекува дека десет илјади земјоделци ќе испратат „силна и единствена порака до Комисијата“, пренесуваат медиумите во регионот.
Фото Економија и бизнис