Бизнис
Во Турција престојувале 50 милиони странски туристи
03.11.2025
Туристичкиот сектор на Турција продолжува да бележи силен раст и во првите девет месеци од 2025 година, во земјата престојувале 50 милиони странски посетители, што е зголемување од 1,6% во споредба со истиот период минатата година.
Приходите од туризам достигнаа 50 милијарди американски долари, што претставува раст од 5,7% во споредба со претходната година.
Според податоците на Туристичката агенција на ОН за 2024 година, Турција е на четвртото место во светот по бројот на меѓународни пристигнувања. Во Истанбул, медитеранскиот центар на туризмот, беа презентирани резултатите за првите девет месеци од 2025 година, кои покажуваат значителен раст и на бројот на посетители и на приходите од туризам.
Во текот на првите девет месеци од 2025 година, меѓународните посетители на Турција престојувале во просек 10,3 ноќевања, а просечната потрошувачка по лице била 103 долари по ноќ, што претставува зголемување од 7% во споредба со претходната година.
Најмногу туристи имало од Руската Федерација со 5,53 милиони туристи, по што следуваат Германија со 5,22 милиони и Обединетото Кралство, од каде што пристигнале 3,54 милиони посетители, пренесува Бизнис.ба.
Фото Економија и бизнис