Бизнис
Германците консумираат повеќе јајца и месо од живина
03.11.2025
Птичјиот грип се заканува на еден од најуспешните сектори на германското земјоделство. Побарувачката за живинско месо и јајца никогаш не била поголема, објави Федералниот завод за статистика, повикувајќи се на Агенцијата за земјоделство и исхрана.
Потрошувачката на живинско месо по глава на жител минатата година достигна рекордни 13,6 килограми, што е за половина килограм повеќе отколку во 2023 година. Покрај тоа, просечниот Германец изел 249 јајца во 2024 година, што е исто така рекорд, , пишува агенцијата ДПА.
Малото прекумерно производство на пилешко месо е во контраст со поголемиот увоз на месо од патки и гуски. Кога станува збор за јајца, германските фарми покриваат само 72 проценти од домашните потреби.
Според последниот попис од 1 март 2023 година, имало вкупно 167,3 милиони живина во 42.690 фарми низ Германија.
На крајот на август, според статистичарите, имало 2.200 фарми со просек од 44,6 милиони кокошки несилки, пренесува Н1.
Фото Економија и бизнис