Економија
ВО СКОПСКИОТ РЕГИОН СЕ СОЗДАВА ПОЛОВИНА ОД НАЦИОНАЛНИОТ БДП
31.10.2025
Скопскиот регион учествува со 45,9 % во бруто-домашниот производ, а Североисточниот Регион со 4,5 %, објави Државниот завод за статистика.
Во 2023 година, најголемо учество во бруто-домашниот производ на Република Северна Македонија има Скопскиот Регион со 45,9 %, додека најмало учество има Североисточниот Регион со 4,5 %.
Поголем бруто-домашен производ по жител, во споредба со просекот на Република Северна Македонија, имаат Скопскиот Регион со индекс 138,2 и Југоисточниот Регион со индекс 111,6. Сите други региони имаат бруто-домашен производ под просекот на Република Северна Македонија.
Во 2023 година, најголемо учество во бруто-инвестициите во основни средства има Скопскиот Регион со 53,2 %.
Главни поенти
Со 16,8 %, Пелагонискиот Регион има најголем пораст на бруто-домашниот производ во однос на 2022 година.
Со 107,6 %, Полошкиот Регион има најголем пораст на бруто-инвестициите во основни средства во однос на 2022 година.
Фото Економија и бизнис