Бизнис
НАМАЛЕНА ЦЕНАТА НА ГАСОТ И НА СТРУЈАТА ВО ЕВРОПА, КАДЕ Е НАЈВИСОКА?
30.10.2025
Цената на гасот за домаќинствата во Европската Унија во првата половина од оваа година се намали за 8,1 процент во споредба со втората половина од 2024 година, објави Статистичкиот завод на Европската Унија.
Ова укажува на враќање на сезонските движења на цените на гасот, карактеристични за периодот пред енергетската криза во 2022 година, соопшти Евростат.
Просечната цена на гасот е 11,43 евра за 100 киловат часови. Највисоките цени се во Шведска - 21,3 евра за 100 киловат часови, а најниските се во Унгарија 3,07 евра, Хрватска 4,61 и Романија 5,59 евра.
Кога станува збор за цената на електричната енергија, просечната цена е 28,71 евра за 100 киловат часови, што е за 0,5 проценти пониско во споредба со втората половина од 2024 година.
Електричната енергија е најскапа во Германија со 38,35 евра за 100 киловат часови, а најниска во Унгарија со 10,4 евра, Малта со 12,44 и Бугарија со 13 евра, пренесува Нова.
Фото Економија и бизнис