Бизнис
Во кои европски земји најтешко се наоѓа работа за дипломираните студенти!
16.10.2025
Според податоците на Евростат, просечната стапка на вработеност кај лицата на возраст од 20 до 34 години кои дипломирале на факултет во последните три години била 84,9% во 2024 година. Но разликите од стапката на невработеност на младите дипломци се движат од 65% до речиси 94%.
Дипломираните студенти во северните и централните европски земји имаат најголеми можности за работа, каде што стапката на вработеност надминува 90%. Од друга страна, југот и југоистокот на Европа бележат значително полоши резултати, во некои земји помалку од четири петтини од високообразованите млади луѓе се вработени, пишува Еуроњуз бизнис.
Податоците покажуваат и изразени разлики меѓу половите. Во просек, 86% од мажите со факултетска диплома наоѓаат работа во рок од три години, во споредба со 84% од жените. Сепак, во осум земји жените имаат поголема вработеност од мажите, најмногу во Грција, Хрватска и Шпанија. Од друга страна, најголемиот јаз во корист на мажите е забележан во Турција, Словенијаи Србија. Во споредба со најразвиените економии, Германија е на врвот со речиси 92% вработени дипломирани студенти, додека Италија и Франција заостануваат, повеќе од една петтина од младите луѓе со високо образование не се вработени таму.
Без оглед на разликите, трендот е јасен, високото образование продолжува значително да влијае на животниот стандард. Во просек, луѓето со универзитетска диплома во ЕУ заработуваат 38% повеќе од оние со средно образование, па дури и 68% повеќе од луѓето со ниски квалификации, пренесува Бизлаив.
Фото Економија и бизнис