Економија
ПАЃААТ ЦЕНИТЕ НА НАФТАТА, поради санкциите на Трамп врз Кина
10.10.2025
Цените на нафтата денеска паднаа под 63 долари на меѓународните пазари, бидејќи инвеститорите се загрижени за знаците на ескалација на трговските тензии меѓу САД и Кина.
На лондонскиот пазар, цената на барел попладне беше за 2,49 долари пониска од вчерашното затворање и изнесуваше 62,73 долари. На американскиот пазар, барелот се тргуваше по цена од 2,60 долари пониска, на 58,91 долари.
Од САД вчера воведоа санкции врз група бродови и компании, вклучувајќи ја и независната кинеска рафинерија, врз основа на тоа што купила милиони тони иранска нафта од 2023 година.
Ескалацијата на трговските тензии меѓу САД и Кина би можела да ја забави глобалната економија и побарувачката за енергија. Организацијата на земјите извознички на нафта (ОПЕК) објави дека вчера цената на барел од нафтената кошничка на нејзините членки се зголемила за 17 центи на 67,09 долари, пренесува Индекс.хр.
Фото Економија и бизнис