Економија
ПОРАДИ СЛАБАТА ИНДУСТРИЈА РАСТОТ НА ГЕРМАНСКИОТ БДП ЗАБАВУВА ВО ПОСЛЕДНИТЕ 50 ГОДИНИ
06.10.2025
Економскиот раст на Германија се забави во последните 50 години, главно поради слабата индустрија, се наведува во студијата објавена од Институтот за економски истражувања Ифо во Минхен.
„Автомобилската индустрија, машинското инженерство и услугите тесно поврзани со индустријата се главно одговорни за забавувањето на економскиот раст“, изјави истражувачот на Ифо, Роберт Леман, по објавувањето на студијата.
Растот на бруто домашниот производ (БДП) на Германија значително се забави во последните 50 години. Во 1970-тите, тој беше речиси три проценти годишно, но во годините пред избувнувањето на пандемијата Ковид-19, тој беше само околу 1,5 проценти. Околу половина од падот може да се припише на забавување во клучните индустриски сектори.
Економијата е исто така негативно погодена од силната меѓузависност меѓу поединечните индустрии. Институтот Ифо ја наведе градежната индустрија како пример, од чиј успех зависат многу други сектори.
Експертите предвидуваат дека германската економија ќе продолжи да опаѓа и речиси да стагнира во наредните години.
„Демографската состојба во Германија ќе продолжи да се влошува, што ќе резултира со недостиг на работници“, предупреди Ифо, пренесува Сеебиз.
Фото Економија и бизнис