Бизнис
Колку и за кои намени иселениците купуваат станови во Србија?
05.10.2025
Иселениците и работниците на привремена работа во странство се главните купувачи на станови во Србија, со што влијаат на зголемената побарувачка на недвижности за домување и одмор. Во вкупниот број на купување станови во Србија учеството на српската дијаспора е до 30 отсто, покажуваат податоците на агенциите за недвижности во Србија.
Поголемиот дел од нив купуваат станови за време на одморите во Србија како инвестиција, а некои од нив за живеење бидејќи планираат да се вратат во земјата во одреден момент, објави Форбс Србија.
Српските иселеници ги купуваат станови поради комодитетот што го нуди новиот стан или куќа за време на одморот во Србија, особено ако станува збор за семејства кои имаат повеќе членови, односно генерации, па затоа е потребен повеќе простор.
Сепак, трендовите што ги бележат некои од агенциите оваа година се малку поинакви, и се забележува мал пад на побарувачката за станови од гастарбајтерите.
„Оваа година бележиме пад на купувачите на недвижности кога станува збор за дијаспората од околу 15% во споредба со претходната година“, вели Милош Митиќ од агенција за недвижности.
Тој наведува дека причината за падот на интересот се должи на општата економска состојба во светот, која не ги заобиколи ниту земјите каде што живеат иселениците од Србија. Меѓутоа, оваа категорија на купувачи сè повеќе одлучуваат да купат недвижен имот во Црна Гора, како и во Грција. Некои од нив се одлучуваат за недвижности во подалечни дестинации (како Дубаи), поради добриот поврат на инвестициите, едноставниот процес на купување и ниските даноци. Во просек, дијаспората сочинува околу 10% од купувачите од вкупната побарувачка на пазарот на недвижности во Србија, објави Форбс Србија.
Фото Економија и бизнис