Бизнис
Во Германија се зголемува бројот на пензионери баратели на социјална помош
02.10.2025
Јазот меѓу богатите и сиромашните во Германија расте и кај пензионерите. Секој петти германски пензионер има на располагање максимум 1.400 месечно, а уште една петтина преживува со максимум 1.790 евра. Наспроти нив се 20 проценти од пензионерите кои имаат најмалку 2.870 евра за живот, објави Дестатис.
Статистичарите во пресметката ги вклучија само пензионерите над 65 години и нивниот број изнесува 16,5 милиони луѓе, пренесува ДПА.
Бројот на пензионери од групата над 65 години се зголеми од 15,9 милиони во 2021 година. Тогашниот просечен приход од 1.820 евра во меѓувреме се зголеми за девет проценти, два процентни поени помалку од просечното зголемување на приходите на населението.
Во Германија сè повеќе пензионери се принудени да бараат државна помош. Нивниот број сега изнесува 739.000 луѓе, во споредба со 690.000 една година претходно и за 31 процент повеќе од 534.000 на крајот на 2020 година, пренесува Бизнис.рс.
Фото Економија и бизнис