Бизнис
За зголемување на минималната плата треба вистинска методологија, изјави Ѓоко Велковски
01.10.2025
Владата го поддржува предлогот на синдикатите за зголемување на минималната и просечната плата, но потребно е да се најде вистинската методологија за тоа да биде одржливо и правично спроведено, изјави
заменик-министерот за социјална политика, демографија и млади, Ѓоко Велковски во емисијата „Бизнис21“ на ТВ21. .
Ѓоко Велковски одговори и како да се стабилизира пензинскиот фонд.
„Во јуни формиран е тим на експерти кои што ќе дадат точни податоци каде треба ние да го видиме фондот за икс години од сега. Да ја оставиме комисијата да си ја сработи својата работа, нека ни ги даде сите параметри како стручни работници, токму од фелата на пензинското осигурување а потоа ќе носиме сите одлуки кои што ќе мора да се направат“, вели Велковски.
Фото Економија и бизнис