Бизнис
Единствено платите на српските програмери надминаа над 2.500 евра!
28.09.2025
Просечната јулска нето плата во Србија изнесувала 109.071 динари (932 евра), а разликите меѓу дејностите се толку големи што просечната плата на програмерите, која изнесувала 310.401 динари (над 2.500 евра), била шест пати поголема од онаа на вработените во услужните дејности, дејности, каде што јулскиот просек изнесувал 61.615 динари.
Според податоците на Републичкиот завод за статистика во Србија, програмерите се единствените чии плати надминале 300.000 динари, а тие значително придонеле за достигнување на просек од 247.119 динари во информатичко-комуникацискиот сектор.
Повеќе од 200.000 динари добиле и вработените во производството на кокс и нафтени деривати, каде што јулскиот просек изнесувал 215.496 динари, потоа во воздушниот сообраќај, каде што е евидентиран просек од 238.840 динари, и научно-истражувачкиот развој со просек од 213.814 динари.
Во дејностите за подготовка и послужување храна и пијалоци платите се во просек од 63.298 динари, поправка на компјутери и предмети за лична и домашна употреба - 64.118 динари, преработка на дрво освен мебел - 67.543 динари, потоа туристички агенции, туроператори каде што просекот во јули изнесувал 76.875 динари, пренесува Еуроњуз.
Фото Економија и бизнис