Бизнис
ВО ГЕРМАНИЈА СЕ БАРААТ РАБОТНИЦИ ЗА ПОЧЕТНА ПЛАТА ОД 3.500 ЕВРА
27.09.2025
Германските железници со години се соочуваат со проблеми со доцнења, откажувања и недостиг на персонал, а најголемиот дефицит е кај машиновозачите. Синдикатот ГДЛ проценува дека до 2030 година, на Германија ќе ѝ бидат потребни дополнителни 5.000 до 10.000 машиновозачи.
Платите на машиновозачите се зголемуваат со работното искуство, а со бројни додатоци за ноќни смени, работа за време на викенди и празници, вкупниот месечен приход лесно може да надмине 4.000 евра. Со 30 години искуство, машиновозачот може да заработи до 4.650 евра месечно.
Занимањето машиновозач нуди и можности за напредување. Амбициозните работници можат да добијат дополнително образование и да ги преземат функциите на диспечер, за да станат експерти или мајстори за железнички сообраќај, што значи дека работата оди подалеку од самото управување на воз, пренесува Блиц.
Фото Економија и бизнис