Бизнис
Словенија основа компанија за инвестиции во одбрана
19.09.2025
Словенечкиот државен холдинг (SDH) ја основа државната одбранбена компанија Довос - за одбрана, безбедност и отпорност. Почетната капитална инвестиција на SDH во компанијата изнесува три милиони евра. Главната активност на компанијата ќе биде инвестирање во компании кои произведуваат високотехнолошки роботизирани системи за оружје, инвестирање во сопственост на постојни компании од областа на одбранбените и безбедносните активности и изградба на систем за снабдување за националниот одбранбен и безбедносен систем, како и инвестирање во системот за одржување и надградба на капацитетите за главните копнени системи за оружје.
„Преку инвестиции во стратешки партнерства и други капитални инвестиции, компанијата ќе поттикне позитивни синергистички ефекти меѓу словенечките развојни компании во областа на одбраната, ќе го поддржи производството и продажбата на одбранбени производи и системи, ќе ги зајакне одбранбените и безбедносните капацитети на Словенија и со тоа позитивно ќе придонесе за економијата“, се наведува во соопштението од SDH пренесува Пословни дневник.
Фото Економија и бизнис