Бизнис
ПОМАЛКУ СЛОБОДНИ РАБОТНИ МЕСТА ВО ЕВРОЗОНАТА
16.09.2025
Стапката на слободни работни места во Еврозоната изнесуваше 2,2% во вториот квартал од оваа година, што е за 0,2 процентни поени пониско отколку во првиот квартал и за 0,4 процентни поени пониско отколку во истиот период минатата година. Во ЕУ, таа се намали за 0,1 или 0,3 процентни поени на 2,1%.
Во индустријата и градежништвото, стапката на слободни работни места во еврозоната изнесуваше 2% во вториот квартал, а во ЕУ беше 1,8%. Во услугите, таа изнесуваше 2,4 и 2,3%, објави денес Евростат, европскиот завод за статистика.
Холандија (4,2%), Белгија (3,9%) и Австрија (3,4%) имаа највисоки стапки на слободни работни места. Најниска беше забележана во Романија (0,6 проценти) и Шпанија и Полска (двете по 0,8 проценти).
Најголеми зголемувања во споредба со истиот период минатата година се забележани во Кипар (+0,3 процентни поени) и во Литванија и Малта (двете +0,2 процентни поени), објави Сеебиз.
Фото Економија и бизнис