Бизнис
Цените кај растителното производство (во аутпут) во август се зголемиле за 14,2 %
16.09.2025
Цените во земјоделството во август 2025 година, во однос на истиот период од претходната година, се зголемени за 2,6 % кај инпутот и за 12,1 % кај аутпутот, објави Државниот завод за статистика.
Цените во земјоделството во август 2025 година, споредени со цените во август 2024 година, бележат зголемување и кај аутпутот и кај инпутот.
Во делот инпут, во август 2025 година, во споредба со август 2024 година, има зголемување на цените на инпут 1 (тековно потрошени средства во земјоделството) за 2,3 % и зголемување на цените на инпут 2 (средства наменети за инвестиции во земјоделството) за 5,7 %.
Во делот аутпут, во август 2025 година, во споредба со август 2024 година, цените на растителното производство се зголемени за 14,2 %, а цените на добиточното производство се зголемени за 6,5 %.
Главни поенти
Цените во земјоделството во август 2025 година, во однос на август 2024 година, се зголемиле за:
- 14,2 % кај растителното производство
- 6,5 % кај добиточното производство
кај аутпутот,
- 2,3 % кај тековно потрошените средства во земјоделството
- 5,7 % кај средствата наменети за инвестиции во земјоделството
кај инпутот.
Фото Економија и бизнис