Бизнис
КАКО ВО ЕУ ЌЕ СЕ ОВОЗМОЖИ ДОСТАПНО ДОМУВАЊЕ, план за удвојување на инвестициите во справувањето со станбената кризата
15.09.2025
Европскиот парламент усвои извештај во кој се повикува на посилни мерки за справување со „сериозната“ криза со домувањето. Таа не само што се заканува да ги продлабочи постојните регионални нееднаквости, туку станува и пречка за мобилноста на работната сила, што бара значително поголеми инвестиции од кохезиските фондови и изградбата на нови и социјални станови.
Извештајот беше усвоен во Стразбур со 462 гласа „за“, 142 „против“ и 63 „воздржани“. Во него се нагласува дека порастот на цените на недвижностите низ Унијата го одразува ограничениот довод, бирократските пречки, недостигот на работна сила и развојот на пазарот.
„Во сегашниот контекст на пазарен неуспех, потребни се повеќе јавни инвестиции, особено во социјалните станови“, се вели во текстот.
Просечните цени на куќите во ЕУ се зголемија за 48 проценти помеѓу 2015 и 2023 година. Во 2024 година се зголеми бројот на бездомници на 1,3 милиони Европејци, вклучувајќи 400.000 деца.
Хрватска е рекордер по раст на цените на куќите во Европа. Во првиот квартал од оваа година, цените се зголемија за 13,1 процент на годишно ниво и за 4,5 проценти на квартално ниво, што е далеку над европскиот просек од 5,7 проценти и 1,4 проценти, соодветно.
Европската комисија веќе објави дека ќе ги удвои инвестициите во достапни станови од кохезионите фондови за време на својот мандат од 2024 до 2029 година. Европратениците ги повикуваат националните и регионалните власти да ја искористат можноста и барем да ги удвојат средствата за домување како дел од прегледот на политиките за кохезија. Тие ја нагласуваат потребата од постигнување рамнотежа помеѓу јавните инвестиции, вклучувањето на инвеститорите во социјални станови и охрабрувањето на јавно-приватните партнерства, како и создавање услови за долгорочни инвестиции, а воедно и заштита на правата на станарите. Сепак, тие предупредуваат на опасностите од шпекулативни инвестиции во недвижности и предлагаат заштитни мерки како што се ограничувања за брза препродажба.
„Домувањето е основа врз која луѓето ги градат своите животи, а не средство за шпекулација. Во ситуација кога многу луѓе трошат повеќе од 40 проценти од своите приходи за домување, време е властите да интервенираат и да обезбедат достоинствен живот за сите. Треба да инвестираме повеќе, да се бориме против шпекулациите, да обезбедиме долгорочно финансирање и да ја намалиме бирократијата“, рече Маркос Рос Семпере, известувачот од Шпанија, пренесува Пословни дневник.
Фото Економија и бизнис