Бизнис
Кина има план за „стабилизирање“ на домашната продажба на автомобили
14.09.2025
Кинеските државни власти подготвија план за „стабилизирање“ на домашната продажба на автомобили во следните две години, во услови на жестока ценовна војна меѓу производителите и потешкотиите со извозот.
Планот предвидува забавување на растот на вкупната продажба на возила почнувајќи од 2025 година, со цел од три проценти во споредба со минатата година, односно продажба на вкупно 32,3 милиони возила.
Растот во 2023 и 2024 година изнесуваше 4,5 проценти, според Кинеската асоцијација на производители на автомобили (CAAM).
Се очекува растот да остане силен во сегментот „возила со нова енергија“, каде што се очекува продажбата да достигне 15,5 милиони единици во 2025 година, што е зголемување од речиси 20 проценти во споредба со 2024 година.
Кинеските производители на автомобили се соочуваат со предизвици при извозот, особено во Европската Унија, која во 2023 година започна истрага за нивната нелојална конкуренција со европските производители.
Мексико изминатата недела објави зголемување на царините за кинески автомобили на 50 проценти, од 15 проценти на 20 проценти, пренесува Бизнис.рс.
Фото Економија и бизнис