Бизнис
ИСЧЕЗНА СОНОТ ЗА ГЕНЕРАЦИИ АМЕРИКАНЦИ ЗА ГОДИШНА ПЛАТА ОД 100.000 ДОЛАРИ, ТОА СЕГА Е ПОЗИЦИЈА НА НИСКОПЛАТЕНИ РАБОТНИЦИ!
10.09.2025
Годишна плата од 100.000 долари порано во САД беше синоним за успех и финансиска сигурност за многу луѓе. Но, овие годишни приходи се недоволни за живот во Лос Анџелес, а луѓето со ваквите приходи се сметаат во групата на „сиромашни“.
Според најновите податоци од Калифорнискиот оддел за домување, семејство од три члена со годишен приход помал од 109.050 долари официјално се смета за семејство со ниски приходи. За самците, границата е 84.850 долари. Средната плата за самците во Лос Анџелес е уште пониска, 74.600 долари, што значи дека повеќе од половина од самците заработуваат помалку од прагот потребен за да се сметаат за „со ниски приходи“.
Причините за ваквата статистика е вртоглаво растечката цена на живот и цените на недвижностите, дополнително поттикната од инфлацијата.
Лос Анџелес не е изолиран случај. И во другите богати делови од Јужна Калифорнија, линијата на сиромаштија е опасно блиску до шестцифрена бројка. Во округот Оринџ прагот за ниски приходи е 94.750 долари, во Санта Барбара ганицата е 98.850 долари, а во Сан Диего границата е поставена на 92.700 долари.
Просечната цена на едносемејна куќа во овие окрузи сега надминува еден милион долари. Поради недостигот на домување и огромната побарувачка, цените за изнајмување исто така експлодираат, пренесува Пословни дневник.
Фото Економија и бизнис