Вести
Црна Гора до 2028 година како можна членка на ЕУ, а Албанија во 2029 година - европската комесарка за проширување Марта Кос, за можното проширување на ЕУ
01.09.2025
Европската комесарка за проширување Марта Кос, на денешниот панел за проширување на ЕУ на Бледскиот стратешки форум, денеска изјави дека Црна Гора до 2028 година би можела да стане прва следна членка на Европската Унија.
- За мене процесот на проширување денес е некој вид на обединување на Европа, какво што сме немале во историјата, посочи Кос.
Според неа проширувањето на ЕУ не е само зголемување на површината на територијата или бројот на жители, туку заштита од надворешни влијанија.
- Со Црна Гора напредуваме и можно е, ако во 2026 година го завршиме техничкиот дел од преговорите во 2028 година Црна Гора да стане 28 членка на Европска Унија, посочи Кос додавајќи оти Албанија би можела да стане членка на ЕУ во 2029 година.
Додека премиерот на Словенија, Роберт Голоб ги повика земјите од Западен Балкан да го искористат „отворениот прозорец“ за влез во Унијата. Според него прозорецот е отворен со војната во Украина.
Извор/фото МИА