Вести
Зголемен интензитетот на сообраќај надвор од градовите, нема подолги задржувања на границите
28.08.2025г
Интензитетот на сообраќај надвор од градските средини утринава е зголемен, а на граничните премини од македонска страна нема подолги задржувања за влез и излез од државата, информира Авто мото сојузот на Македонија.
Сообраќајот на државните патишта се одвива непречено и по суви коловози, а прилагодена брзина на движење и почитување на поставената сообраќајна сигнализација се препорачува на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.