Вести
Според новата пилот-програма: САД може да бараат гаранции до 15.000 долари за некои туристички и деловни визи
04.08.2025
САД може да бараат до 15.000 долари гаранции за некои туристички и деловни визи во рамките на новата пилот-програма што ќе започне за две недели соопшти американската влада. Мерката има за цел да ги ограничи пречекорувањата на престојот од страна на странски посетители во државата.
Програмата ќе им овозможи на американските конзуларни службеници да бараат гаранции од посетителите од земјите со високи стапки на пречекорувања на престојот во САД. Гаранции може да се бараат и од луѓе од земји каде што информациите за скрининг и верификација се сметаат за недоволни, додадоа властите.
Претседателот на САД, Доналд Трамп, ги направи мерките против нелегалната имиграција централна тема на својот втор мандат. Републиканскиот претседател во јуни им забрани на граѓаните на 12 земји да влегуваат во земјата од причини поврзани со националната безбедност.
Новата визна програма, која стапува на сила на 20 август, ќе биде во период од околу една година, се вели во соопштение на владата.
Извор/фото МИА