Вести
Презентирана првата републичка пожарна со обновена застарената магационирана опрема
06.07.2025
Многу сме поподготвени за справување со пожари од порано, истакна денеска премиерот Христијан Мицкоски, при промовирањето на прва републичка противпожарна, при што беа презентирани 38 пренаменети армиски и полициски возила, за гаснење на пожари. Настанот се одржа во Кампот за обука Пепелиште.
- Станува збор за полициски и армиски возила коишто повеќе од осум години не биле запалени. Ја видовте демонстрацијата, видовте како денес сето тоа изгледа и можам да кажам дека многу поподготвени ја пречекуваме сезоната на пожари којашто очекуваме да се случи многу скоро, односно таа е веќе во тек, веќе се појавуваат одредени пожари на одредени делови од територијата на државата. Благодарност до сите коишто учествува во оваа активност, во оваа пренамена на овие полициски и армиски возила коишто ќе повторам беа повеќе од осум години запуштени, незапалена, изјави Мицкоски.
На овој начин, според Мицкоски државата заштедува неколку десетици милиони евра.
Оваа недела треба да стигне од сервис и вториот авион којшто беше на сервис, третиот се очекува да дојде до крајот на месецот или почетокот на август. По два полициски и армиски хеликоптери се исто така подготвени за справување доколку има пожари и огнена стихија, така што кога би се споредило со минатото навистина не можеме да правиме споредба оваа година, изјави Мицкоски.
Во Кампот за обука Пепелиште денеска беше презентирана првата републичка пожарна составена од возила за гаснење на шумски пожари, кои имаат одлични карактеристики и капацитети за справување со тешко достапни терени. Станува збор за застарената и магационирана опрема, како што се БТФ70/80, старите хермалини и слично, кои што беа во магацините на Министерството за одбрана и МВР, а кои се модернизирани и на кои им се инсталирани посебни резервоари за вода, пумпи кои што работат на висок притисок и можат да пристапуваат на непристапни терени.
Извор/фото МИА