Вести
Перински: Во една година имаме најголема распределба на јавни средства за поддршка на локалниот развој
04.07.2025
Изминатата година се почнати реални вложувања во инфраструктурата на општините и е поставена рамката за стратешки и рамномерен развој на државата. Преку Потпрограмата АА за инфраструктурни општински проекти општините аплицирале со околу 1200 проекти, а вкупната ивестиција е 20 милијарди денари, што претставува досега најголема распределна на јавни средства за поддршка на локалниот развој, изјави министерот за локална самоуправа Златко Перински.
Во рамки на првиот повик се одобрени 288 проекти од областа на транспортот, животната средина, образованието, културата, спортот,.. а на вториот кој заврши на 30 април, пристигнаа 887 апликации од 80 општини за кои заврши фазата на евалуација.
- Овој исклучитено голем одѕив претставува јасен показател за високата заинтересираност на општините за инвестициски проекти и потврда дека одлуката на Владата за спроведување на оваа мерка е навремена, стратешки исправна и одговара на реалните потреби на локалните самоуправи. Во прва фаза се одобрени за финансирање 828 проекти во вредност од 13.868.138 денари, рече Перински.
Преку Програмата за рамномерен и регионален развој во 2024 и 2025 година соопшти дека се одобрени 176 проекти насочени кон унапредување на развојот на планските региони, селата, урбаните подрачја, како и подрачјата со специфични развојни потреби.
Перински соопшти и дека е изготвена физибилити студија за ресурсен центар за поддршка на општините, за кој годинава се предвидени пет милиони денари. Оцени дека преку ИПА 3 инструментот се постигнуваат значајни резултати, а од активните програми за прекугранична соработка со соседните држави, истакна дека се од стратешко значење изградбата на граничниот проект Клепало и воспоставувањето на граничиот премин Маркова нога.
Министерот за локална самоуправа Златко Перински повторно упати апел до опозицијата да ги поддржи предложените измените и дополнувања на Законот за локална самоуправа, што го поминаа и второто собраниско читање, а за кои е потребно Бадентерово мнозинство.
Извор/фото МИА