Вести
Ревизорски забелешки за работењето на Државното правобранителство
02.07.2025
Неусогласеност на материјалната и финансиската евиденција во делот на набавната вредност и исправката на вредност на опремата, како и несоодветно евидентирање на долгорочни средства чија набавна вредност е поголема од
300 евра во денарска противвредност, се дел од констатираните пропусти за работењето на Државното правобранителство на Република Северна Македонија, кои се нотирани во конечните ревизорски извештаи на Државниот завод за ревизија.
Во делот на ревизијата на финансиски извештаи и ревизија на усогласеност се споменува и деканачинот на вршење на пописот не е во согласност со законската регулатива, како и ангажирање на лица по договор на дело за работни места и задачи предвидени со актот за систематизација. Државните ревизори констатирале и недоследности во процесот на спроведување на постапките за доделување на договори за
јавни набавки и во остварување на приходи кои согласно Законот за Државното правобранителство се приход
на Буџетот на Република Северна Македонија.
Како системски слабости во работењето на Државното правобранителство во извештаите на ревизорите се споменуваат: недефинирана постапка за оценување на квалитетот и ажурноста на работењето и спроведување на дисциплинска постапка за државните правобранители; регулирање на правото на надоместок за одвоен живот на државните правобранители за време на нивниот временски неограничен мандат, во дефинирање на процесот на авансно плаќање и поврат на трошоците за постапки за извршување. Според ДЗР, не е јасно прецизирано кој треба да остварува приходи по основ на награда на членови на одбор на доверители во стечајни постапки во кои Република Северна Македонија има побарувања, а истата е застапувана од страна на Државното правобранителство, се наведува во информацијата објавена на МИА.