Вести
Топлотниот бран во Европа ќе предизвика илјадници смртни случаи!
01.07.2025
Топлотниот бран што моментално го погодува југот на Европа неделава би можел да предизвика повеќе од 4.500 дополнителни смртни случаи, објави бриселскиот портал Политико.
Во анализата на топлотниот бран, се проценува дека Италија, Хрватска, Словенија и Луксембург ќе имаат највисоки стапки на смртност.
Статистичарот за животна средина од Лондонското училиште за хигиена и тропска медицина, Пјер Масело, рече дека најжешките денови ќе бидат вторник и среда.
Температурите во регионот Хуелва во Шпанија достигнуваат 46 степени, што е нов рекорд во таа земја за јуни, а Грција, Португалија и Западен Балкан исто така се соочуваат со екстремна топлина.
Светската здравствена организација (СЗО) вчера објави дека климатските промени, предизвикани од согорувањето на фосилни горива, предизвикуваат почести топлотни бранови, кои се поинтензивни и значително поопасни за животот.
Повеќе од 175.000 луѓе умираат од топлината секоја година низ цела Европа, пренесува НИН.
фото freepic