Вести
МИНИМАЛЕН РАСТ НА МОРТАЛИТЕТОТ ВО МАКЕДОНИЈА, кои се најчести причини за смртта на луѓето
19.06.2025
Бројот на умрените лица во 2024 година е 20 201, што претставува зголемување од 0,1 % во однос на 2023 година.
Поголем број умрени лица, т.е. 10 604 се од машки пол наспроти 9 597 жени.
Умрени доенчиња се 47, а нивното учество е 0,2 % на 100 умрени лица.
Според месецот на смртта, најголем број случаи, 2 010, се регистрирани во месец јануари, а најмалку, 1 518, во месец април.
Просечната возраст кај умрените од машки пол изнесува 71,9 години, односно 76,8 години кај лицата од женски пол или за 4,9 години е повисока просечната возраст кај жените.
Според Меѓународната класификација на болестите (МКБ-10), најголемо учество во вкупно умрените лица имаат умрените од болести на циркулаторниот систем (шифра I00-I99) со 36,7 %, потоа неоплазмите (шифра C00-D48) со 19,6 %, ендокрините, нутритивните и метаболичките болести (шифра Е00-Е90) со 7,7 %, болестите на респираторниот систем (шифра Ј00-Ј99) се застапени со 4,1 % и следат останатите, но со помала застапеност.
Главни поенти
Морталитет, 2024 година
- Бројот на умрените лица е зголемен за 0,1 % во однос на 2024 година
- Од вкупно умрените лица, 52,5 % се мажи, 47,5 % се жени
- Најзастапени болести како причина за смртта:
o 36,7 % – болести на циркулаторниот систем,
o 19,6 % – неоплазми
o 7,7 % – ендокрини, нутритивни и метаболички болести
o 4,1% – болести на респираторниот систем (шифра Ј00-Ј99) и
o останати болести, но со помала застапеност