Вести
Демонстрантите во Лос Анџелес се судрија со гардата, употребени солзавец и шок-бомби
09.06.2025
Полицијата во Лос Анџелес денес испука проектили со бибер спреј пред притворниот центар во градот, во обид да ги растера демонстрантите, од кои некои фрлаа шишиња со вода кон службените лица и носеа транспаренти со кои ги осудуваа полициските сили, јавува CNN.
Демонстрантите се судрија со агенти на Калифорниската Национална гарда, Одделот за имиграција и Одделот за внатрешна безбедност денес пред притворниот центар во Лос Анџелес, во најновиот од серијата протести против имиграциските рации што ја зафатија Калифорнија во текот на викендот.
Лос Анџелес изгледа како воена зона по дводневните протести поради рациите врз нелегалните имигранти во најнаселениот град во Калифорнија, што го натера претседателот Доналд Трамп да нареди распоредување на 2.000 војници од Националната гарда.
Протестите во Лос Анџелес започнаа во петокот, кога демонстрантите се собраа во близина на федералната зграда во центарот на градот, откако десетици беа уапсени најмалку 44 лица во рациите врз нелегалните имигранти низ градот, според АП.
Полицијата во опрема за немири употреби солзавец и шок-бомби за да ги растера толпите во центарот на Лос Анџелес и областа Парамаунт на југоистокот на градот во текот на два дена, а властите објавија повеќекратни апсења во саботата.
Апсењата доаѓаат во време на репресијата на Трамп против имиграцијата, која вклучуваше бранови рации и депортации низ целата земја. Трамп влезе во Белата куќа на 20 јануари, ветувајќи „најголемата депортација“ во американската историја, пренесува Блиц.