Вести
СЕКОЈ ДЕСЕТТИ ВОЗАЧ НЕМА ПАРИ ЗА НАЈМАЛИ ПОПРАВКИ НА АВТОМОБИЛОТ!
03.06.2025
Во шест земји од Централна и Источна Европа, просечната старост на возилата достигнала или надминала 12 години, а речиси половина од испитаниците (48 отсто) возат автомобили постари од десет години. И покрај ова, поголемиот дел од возачите не ги сметаат своите возила за „стари додека 44 отсто наведуваат дека нивниот автомобил „веќе не е нов, но не е ниту стар“.
Овие податоци се засновани на анкетата на повеќе од 1.700 членови на програмата за лојалност MOL Move од Србија, Унгарија, Чешка, Словачка, Романија и Словенија. Во анализата се испитани и навиките на возачите за одржување на автомобилите.
Официјалните статистики на ЕУ покажуваат дека просечната старост на возилата е 15 години во Унгарија, 15,5 години во Романија, 15,1 година во Словачка и 16,2 години во Чешка.
Сепак, личните проценки на возачите во сите овие земји се значително пониски, што укажува дека многу возачи или ја потценуваат или ја игнорираат вистинската старост на своите автомобили. На пример, во Унгарија, повеќе од половина од испитаниците (54 отсто) веруваат дека нивното возило е сè уште ново или барем не е старо. Во оваа земја речиси две третини (62 отсто) возат автомобили постари од 10 години.
Истражувањето покажа дека речиси половина од возачите во регионот не планираат да го заменат своето возило во следните пет години, без разлика на неговата „возраст“.
Алармантен е податокот што секој десетти испитаник изјавил дека во моментов не може да си дозволи ниту мала поправка. Овој недостаток на финансиска флексибилност и одложувањето на одржувањето претставуваат значителни безбедносни ризици на патиштата, пренесува Бизнис.рс.