Вести
САД НЕМА ДА ПРОИЗВЕДУВА МОНЕТИ ОД ЕДЕН ЦЕНТ
23.05.2025
Министерството за финансии на САД постепено го укинува производството на монети од еден цент и наскоро ќе престане да пушта нови монети во оптек, објави „Волстрит џурнал“.
Моментално производство на монета од еден цент чини три центи, а министерството ја даде последната нарачка за ковање на овие центи овој месец.
Монетите од еден цент ќе останат во употреба, но компаниите наскоро ќе мора да ги заокружуваат цените нагоре или надолу, поблиску до монетата од пет центи.
Во февруари американскиот претседател Доналд Трамп нареди да престане да се коваат, бидејќи се премногу скапи. Министерството за финансии проценува дека САД ќе заштедат 56 милиони долари со елиминирање на монетите од еден цент, пренесува Сеебиз.
фото freepic