Вести
Прв настап на Државниот оркестар од Солун во Скопје
17.05.2025
Во салата на Филхармонија во Скопје вечер со почеток во 19:30 часот прв пат ќе настапи Државниот симфониски оркестар од Солун, во рамки на концерт посветен на делата на Морис Равел и неговиот ученик, грчкиот композитор, Емилиос Риадис.
Концертот ќе биде збогатен со настапи на врвни солисти од двете земји – водечката грчка сопранистка Мирто Папатанасиу и светски познатиот македонски пијанист Симон Трпчевски. Со оркестарот ќе диригира реномираниот маестро Владимирос Симеонидис.
Настанот се одржува во чест на две значајни годишнини: 150 години од раѓањето на Морис Равел и 90 години од смртта на Емилиос Риадис – најзначајниот композитор од Солун.
Публиката ќе има можност да ја проследи и светската премиера на симфониската свита од операта „Галатеиа“ на Риадис.
Извор/фото МИА