Организацијата за економска соработка и развој (ОЕЦД) ја намали прогнозата за глобален економски раст за 2025 година поради послабите проекции за раст во САД и во еврозоната.

ОЕЦД очекува економски раст од 3,1 отсто во 2025 година, што е намалување од 3,3 отсто што ги прогнозираше во декември, поради „зголемените тарифни бариери во неколку економии на Г20“ и „неизвесноста за геополитичката ситуација и економските политики кои тежат врз инвестициите и потрошувачката на домаќинствата“.

Во 2026 година  се предвидува раст од три проценти, во однос на 3,3 проценти во претходниот извештај.

Годишниот економски раст во САД, исто така, се предвидува да забави на 2,2 отсто во 2025 година и 1,6 отсто во 2026 година, што е намалување од претходно предвидениот раст од 2,4 отсто оваа година и 2,1 отсто следната година, пренесува Данас.

фото freepic