Вести
Без вода утре дел од Центар, без струја дел од општините Бутел и Карпош
23.02.2025
Дел од општина Центар во текот на утрешниот ден ќе остане без вода за пиење, информираат денеска од Јавното претпријатие „Водовод и канализација“ - Скопје.
Поради изведување на водоводен приклучок од ф 80мм на ул. „Васил Стефановски“ бр 2, утре без вода ќе останат корисниците на дел од улиците „Васил Стефановски“, „Костурски Херои“, „Борка Талевски“, „Петар Поп Арсов“, „9-ти Мај“, „Роза Луксенбург“ и „Христо Смирненски“ во Општина Центар.
Водоснабдувањето ќе биде прекинато од 9:00 часот до завршување на интервенцијата.
Без електрична енергија утре ќе останат дел од корисниците од општините Бутел и Карпош.
Како што соопшти РЦУК – Скопје, во периодот од 9:00 до 14:00 часот без струја ќе бидат дел од кориниците од улиците „Радишани“ и „Бел камен“ во општина Бутел, а од 9:00 до 15:00 часот дел од корисниците од улица „Јури Гагарин“ во општина Карпош.
фото freepic