Вести
ЗА ВИКЕНДОТ СО МАКСИМАЛНА ДНЕВНА ТЕМПЕРАТУРА ДО 16 СТЕПЕНИ
23.01.2025
Продолжува периодот на стабилно и релативно топло време, особено на повисоките места и на планините, поради што снежната покривка и понатаму ќе се намалува. По котлините ќе биде магливо и постудено, особено во претпладневните часови, информираат денеска од Управата за хидрометеоролошки работи.
За утре се прогнозира најтопло да биде во Гевгелија, каде се очекува максимална температура од 15 степени. Во Скопје, температурата утре се очекува да се движи од 1 до 6 степени.
Сабота и недела ќе биде променливо облачно и со сонце со максимални дневни темератури до 16 степени.